مهندس
عظیم ابراهیمی:
سیلاحلا
اؤلچولن
تورپاق
1325- جی
ایلین21 آذری
ایدی. یئدی
یاشیم اولار
یا اولمازدی .آتامین
ایش یئرینه
گئتمک اوچون
اردبیلین اساس
کوچه سینه طرف
یولا دوشدوم.
ساری
اسماعیل- او
شریف انسان اؤلدورولموشدی.
اونون یاری
چیلپاق جنازه
سینی کوچه نین
آغ قارلاری
اوستونده
داشقایا باغلاییب
سورویه-
سورویه
چه کیردیلر.ائشیتدیم
کی، هیجوم
زامانی،او
توتولوب
دؤیولن زامان
تکرار- تکرار دئییرمیش:-
وورون
باشیما!-
دؤیون باشیما!
ساری
اسماعیلین،
محمدی وندین و
دیگر اساس
حرکات
اشتراکچیلاری
نین ائولرینی
داغیتدیلار.
حتی،
اونلارین قاپ-
باجالارینی
دا سؤکوب
آپاردیلار.
اؤلدورولموش
ویاخود
جانلارینی گؤتوروب
هاراسا پناه
آپاران بو وطن
سئورانسانلارین
ائو- ائشیکلری
اوزون مدت
خرابه قالدی
کی، قالدی...
منیم
طالعییم گه
تیردی کی، او دؤنم
ده بیرینجی
صینفی اؤز
دوغما آنا
دیلیمده
اوخودوم و ملی
حکومتین
اردبیل
شهرینده چوخ
سایلی اصلاحاتلاری
نین شاهدی
اولدوم. نمونه
اوچون کوچه
لره داش
دؤشه مه نی (
سنگ فرش) اؤز
گوزلریمله
گؤردوم.
بو
اصلاحاتلارین
حیاتا کئچیریلمه
سی حکومت
مسئوللاری
نین پروقرامی و اهالی
نین کومه
یی نتیجه سینده اؤز
حللینی تاپدی.
او
گونلردن هفته
لر،آیلار کئچدی.
اؤز- اؤزومه
وئردی ییم
سئواللار
جاوابسیز
اولاراق
قالدی کی، قالدی:
* بو حرکاتی یولا سالانلار
کیملر ایدی؟
* هانسی
هدفلرله بو ایشی باشلادیلار؟
* نه ایشلر گوردیلر؟
* او قانلی
آخیر- عاقبتین
سببی نه اولدی؟...
نوبتی
ایل
باشلادیلار
مکتبلرده فارس
دیلی
تعلیمینه. 9
ایل بو سایاق
مکتبه گئتدیم.
تحصیلیمی
داوام
ائتدیرمک
اوچون تبریزه گئتمه
لی اولدوم.
تبریزده
تحصیلین تدریس
مئتودونی
بیزه تعلیم
کئچدیلر.
اوخودوغوموز
درسلیکلرین
بیرینده بئله
بیر قید
واردی:
مکتبلرده
تورکجه
دانیشماق
قدغن دیر.
فارس
ملتینه
منسوب، آقای
دهقان اول
تبریزه،
سونرا بوتون
آذربایجان
اوزره تحصیل
سیستمی اوچون
باشچی تعیین
اولوندی. مسئولیتی
ایسه
آذربایجانی
فارسیزه ائتمک ایدی.
تبریزلی
گونلریم ده
بئله جه اؤتدی.
تحصیلیمی
تکمیللشدیرمک
اوچون تهرانا
یوللاندیم.
اوردا دا کی،
گره ک هر
یئرده فارسجا
دانیشایدیم.
آما کی،
دنیادا هر
شئیدن سئویملی،
گؤزه ل، شیرین
و جاذبه لی
آنا دیلی دیر!-
دئمیشلر.
بیرده کی،
دئمیشلر:
هرهانسی بیر
ملتین آزاد دیلی
اولماسا، او
ملت محو و
نابود اولار.آخی
آنا دیلی آزاد
اولمایان
ملتین
معارفی، ادبیاتی یارانیب
انکشاف ائده بیلمز.
او سببدن
دیرکی،
دائیما سو دالینجا گه زن سوسوز
آداملار کیمی
من ده بیر
پارچا دا
اولسا آنا
دیلینده نه سه
یازیلمیش
ایتگی
آرخاسینجا گه
زیردیم . گون
او گون اولدی
کی، استاد شهریارین،
حیدر باباسی
چاپ اولوب
یاییلدی. من
اونی اولدن
آخیرا کیمی
بوس- بوتون ازبرله
دیم.
یادیمدادیرکی،
بیر گون حیات یولداشیمین
آتاسی
آشاغیدا قید
ائده جه ییم خاطره
نی منه دانیشدی.
او
دانیشدی کی،
مدنی رابطه جمعیتی
نین خطی ایله
باکی دان علی
یئو آدلی بیر
یازیچی تهرانا
گلمیشدی.
او،
کوچه یه چیخیب
درحال گئری قاییدیب
سوروشدی:
- آقا
رسول
روزنامه کیوسکلارینی
ها گزدیم
آذربایجانجا
بیر شئی تاپا بیلمه
دیم.اونلاری
خصوصی
یئرلرده ساتیرلارمی؟
قوناق
ائشیدنده کی،
آذربایجانجا مطبوعاتدان
نه اینکی
تهران دا، هئچ
آذربایجاندا
دا بیر اثر
یوخدی
تعجبینی
گیزله دنمه دن
سوروشدی:
- بس
آذربایجانلیلار
نه اوخویورلار؟...
ایللر
اوستوندن
اوتدی ایللر.2000-
جی ایلده 61
یاشیم دا
کانادا دا
ساکین اولدوم."
آنا دیلی نین
قرامری" آدلی
بیر کتاب
الیمه دوشدی.
یاخین بیر
دوستوملا بیر ایل
مدتینده ساده
لاتین الفباسی
ایله آنا
دیلینده
یازیب-
اوخوماغی اؤیرندیم.
2001- جی
ایلده
ونکووئرده میانالی
علیرضا ایله
تانیش
اولدوم.او،
ملی حکومتین
مغلوبیتیندن
سونرا
جانلارینی گؤتوروب
آرازین او
تایینا
کئچنلرین بیر
چوخی ایله
باکی دا تانیش
اولموشدی.اونلارین
آجیلی-
شیرینلی
صحبتلرینی دینله
میش، 1324- جی
ایلده
یارانمیش ملی
حکومت
دؤورینی ایشیقلاندیران
خاطره لریندن
بیر چوخونی ائشیتمیش
دی.مطبوعاتچی
شاعیردوستوم
میانالی
علیرضا 54
ایلدن سونرا انتظاریندااولدوغوم،
صبیرسیزلیکله
ایزله دی ییم
گونلردن،
واقعه لردن
دانیشدی.او، ملی
حکومتدن
دانیشدی و یازدی.
دیرلی انسان-
پیشه وری دن و
بیر چوخ وطن عاشیقی
انسانلاردان
صحبت آچدی.
اؤز آنا دیلی
نین آزادلیغی
و دئموکراتیا
اوغروندا
جانیندان کئچنلردن
صحبت آچدی و
یازدی.
امید
ائدیره م کی،
همن آراشدیرمالارین
نتیجه سینده
حاظیرلانان اونون
بو کتابی
آذربایجان
انستوت طلبه لرینه بو
تاریخی
اولایی
تدقیقاتا جلب ائتمکده
باشلانش
اوچون بیر یول
اولاجاق.
آرزو
ائدیره م کی ،
بو تاریخی حادثه
نی بیلن بوتون
هموطنلریمیز
اؤز نظرلرینی،
تکلیفلرینی،
تنقیدلرینی،
سند ویاخود ائشیتدیکلرینی
مؤلفه
گؤندرمکله پهلوی سلطنتی
طرفیندن
حقیقتلری گیزله دیلن،
واقعیتلری
ساختالاشدیریلان
مقاملارا نوبتی
چاپلاردا داها دا
آیدینلیق گه
تیریله جک .
جنگل حرکاتینین باشچیسی میرزا کوچک
خان بیر
عؤمور مبارزه
ائدیب، عقیده
سی یولوندا جانینی
قویدی. یازیچی
و تدقیقاتچی
ابراهیم میرفخرائی
نین او
حرکاتدان
یازدیغی کتاب
- اوخوجولار
اوچون او
دؤوری ایشیقلاندیرماقدا بؤیوک خدمتلرائتدی.
امید
ائدیره م کی،
بو کتاب دا ملی
حکومت و
اونون
یارادیجیلاری
حاقیندا دئییلن
بهتانلاری
پوچا
چیخارماقدا،
بوشونا
یازیلان
افترالاری
تمیزلمک ده،
گله جک نسیللر
اوچون اؤز
رولونی
اوینایاجاقدیر.
حاضردا
ثبوت
اولموشدور
کی، چوخ ملتلی
اؤلکه لری چوخ
ملتلی یه
اویغون
اصوللارلا دولاندیرماق گره کدیر.
ایندی
داها بوتون
دنیا دا بو مفکوره
رئاللاشمیشدیرکی،
هر ملت گره ک
اؤز اؤلکه سی
نین
مقدراتینی اؤز
الینه آلسین.
نمونه اوچون،
کانادا دا هر ایالتین
اؤز مجلسی،
باش ناظیری و
دولتی واردی
. هر ایالت اؤز
ایشلرینی اؤز
اهالیسی نین
الی ایله باشا
وورور.
امید
ائدیره م کی،
بیر گون آذربایجانلیلار
دا اؤز حق و
حقوقی
طلبلرینه چاتاجاقلار.
بو شرط ایله
کی، هر آذربایجانلی
اؤز آنا
دیلینه حؤرمت بسله یه و
یئر کوره
سی نین هر
هاراسیندا اولورسادا
، اؤز دیلینی
اؤیرنمه یه و اونون
ایشلتمه سینه باشلایا
. و هر ملتین اؤز
مقدراتی اؤز
الی ایله حل
اولماسی
مفکوره سینه
اینانا و اونا
علاقه بسله
یه. بو فیکری داشییانلارلا
همرایلیک ائده .
اگر بو
همرایلیک 30% اولسا ،
موفقیتین
شانسی 30% - دی . اگر
بو همرایلیک 75%
اولسا ، بو
شانس 75%
اولاجاقدیر.
اگر بیر گون
بو همرایلیک 100%
اولسا، شبهه
سیز کی، داها
هئچ کس اونون
قارشیسینی آلماغی باجارمایاجاق.
او
گونلرین
آرزوسی و
امیدی ایله!
ونکووئر12-
2- 2005- جی ایل.