فارس باستانگرایلاری، ایستعمارچیلاری نین آدرئسی یانلیش وئرمه لری و اونلارا قویروق اولموشلارین قند خسته لیگینه توتولماقلاری

ایشیق سؤنمز، 05.09.2007

فیلیسطین مسئله سی ایسلام دونیاسی و ایسلامیت مسئله سی دئییل، بو مسئله ائتنیک دابانا اساسلاندیغی اوچون یئرلی عرب اهالیسی ایله اورادا قورولموش اسراعیل دؤولتی آراسیندا اولان بیر تورپاق مسئله دیر. بعضی یهود سیاستچی لری نین فیکیرینه اساساً یاخین دوغودا یانلیش و دوغرو دئیه بیر آنلاییش دئییل، ایکی حقیقت وار. بو گؤروشون دالیندا بارینماغا چالیشانلار اوزاق کئچمیشده حضرت داوودون اورشلیمده کی شاهلیغی نی اساس گؤتوره رک یهود و اسراعیل اجماعسی نی "اورشلیمین" طبیعی و دوغال ییئه سی حئساب ائده رک بوگونکو فلیسطین خالقی ایله یان یانا یاشامانی گرکلی حئساب ائدرلر. بو مسئله نی ایسلامیت ایله اساسلاندیرماغا چالیشانلار ایسه "اورشلیمی" مسلمان دونیاسی نین اوچونجو مقدس یئرلری (بیرینجی مکه، ایکینجی مدینه، اوچونجو اورشلیم) حئساب ائده رک حضرت محمدین "الاقصی" مسجیدینده جناب جبرئیل طرفیندن قارشیلاندیغینی و اورادان دا معراجا چیخدیغینی اؤنه چکمگه چالیشارلار.

آوروپادا میللت مقوله سی نین گوندمه گلمه سی ایله یهود ایجماعسی ایستر سرمایا، ایسترسه ده آیدین و اوخوموش کسیم آچیسیندان اؤز اؤنمینی بو مملکتلرده قوروماغا چالیشماسینا باخمایاراق بو مسئله دن راحاتسیز اولان بیر سایدا آوروپالیلار نژاد تئوریسینی اورتایا آتماقلا یهودلاری سیخیشدیرماق اوچون دوشونجه باخیمیندان شراییط یاراتماغا چالیشدیلار. بئله لیکله آلمان نازیستلری نژاد تئوریسینی اؤنه چکمکله یهودلاری آلمان توپلوموندان سیلمگی، گوج اویقولاماغی و شرق مملکتلری "آریا" نژادینا منسوب گؤرستمگه چالیشاراق اونلاری دا اؤز ایشغالچی و ایستعمارچی چترلری نین آلتینا آلماق اوچون حاکیمیتلرینی گئنیشلندیرمگه باشلادیلار. آلمان نازیستلری زامان گئدیشی ایله یهود ایجماعسی نی پیسلمکله اونلارا سیاسی و ایقتصادی آلانی دار ائتمگه چالیشدیلار. آلمان نازیستلیک حاکیمیتی دونیا متفق دؤولتلری طرفیندن یئنیلدیکدن سونرا یهود ایجماعسی 1948 ایلینده بوگونکو اسراعیل دؤولتی نی بؤیوک دؤولتلر کؤمگی ایله فلسطین اراضیسینده قورماغا باشلادی. اوسته کی تاریخی اولایلاری نظره آلدیقدا بو چکیشمه لر ایسلام و ایسلامیت دعواسی دئییل، ائتنیک دابانا اساسلانمیش بیر تورپاق مسئله سی نین وار اولدوغو اورتایا قویموش گؤرونور. اسراعیل حاکیمیتی قورولدوغو گوندن عرب و یهود آنلاشمازلیغی نین تاریخینه گؤز گزدیردیکده بو مسئله اوزره ایستر "عرب میللیتچیلیگی" و ایسترسه ده "فارس ایستعمارچیلیق سیاستی"ایسلامیتی اویونجاق ائتمیش گؤرونور(جمال عبدالناصر زامانیندان باشلایاراق مصیر ایله اسراعیل حاکیمیتلری نین قارشی دورماسی و سونرا دا فارس نهضت آزادی محفلی نین ابراهیم یزدی باشچیلیغی ایله مصر دؤولتی ایله محمدرضا شاه و اسراعیل حکومتی علیه لرینه ایش بیرلیک ائتمکلری و بو داورانیشین نتیجه سی اولاراق فارس مجاهید تشکیلاتی نین یاراناراق سیلاحا سارینماسی (1) و فلسطین تشکیلاتلاری ایله امکداشلیغی و ساییره ... زامان گئدیشی ایله بغداد و تهران آراسینداکی ساواشین آرخاسینجا "راه قدس از کربلا میگذرد" حئکایه سی و ساییره).

اوسته گؤروندوگو کیمی بو مسئله لرایسلام و ایسلامیت ایله ایلگیلی دئییل، سیاست دئیه دوشونولموش فارس ایستعمارچیلیق قاناتلاری سیاستی نین ترکیب حیصصه سینی اولوشدورار. فارس ایستعماریچیلیق سیاستی نین اوزانتیسی کیمی یازیلاریندا اؤز دوشونجه و فیکیرلرینی ایجتماعیته تقدیم ائدن ذات اقدسلرین ده گؤروشلری ایله تانیش اولماق یئرلی اولاردی دئیه دوشونوروک. اونلاردان بیری ده مزدک بامدادان ذات عالیدیر. بو ذات ائتنولوژی و سوسیولوژی بیلیملرینه دوداق بوزه رک میللت مقوله سی نی "قبیله گرا و طایفه گرا" آدلاندیرماقلا عوامفریبلیک ائتمگه چالیشار، اوخویوروق:

"«قره باغ بيزيم دير، بيزيم اولاجاق / قره باغ از آن ما است، آز آن ما خواهد شد». اين شعاری است که قبيلهگرايان در همه گردهمايیهای خود سر میدهند. پيشتر بارها در باره هماننديهای قبيلهگرايان و دينفروشان نوشتهام و میخواهم اينبار با واکاوی يکی از گفتمانهای اين گرايش، به اين همانندی بپردازم."(2).

اوسته گؤروندوگو کیمی مزدک بامدادان حضرتلری نین قبیله دئیه ایجتماعیته سرگیله دیگی ائتنیک آذربایجان و آذربایجان میللتی مقوله سیدیر. ائتنیک آذربایجان تورپاقلاری نین سرحدلرینی قوزئیده داغیستانین دربند، گورجوستانین بورچالی بؤلگه سی، باتیدا تورکیه نین ارزینجان و گونئیده ایسه ایران ممالیکی محروسه سه سی نین مرکز ایالتی (اراک شهری) و گون چیخاندا ری شهری دئیه نظره آلارساق، بو بؤیوکلوکده اولان اراضیده یئرلشن شهر و کندلرده یاشایان آذربایجان تورکلرینی بیر قبیله دئیه تقدیم ائتمک عوامفریبلیکدم باشقا هانسی آدی داشییا بیلر؟ بو اینسانلارین سایی میلیونلاری کئچمه سینه باخمایاراق فارس تمامیتچیلری ایستعمارچیلیق نیتلرینی گیزلی توتماق، گونئی آذربایجان تورکلری نین میللی مسئله لرینی دونیا ایجتماعیتی نین دیققتیندن یاییندیرماق و فارس توتساغیندا یوخ ائتمک آرزوسویلا دونیا دؤولتلر تشکیلاتیندا تمثیلچی بایراغی اولان قوزئی آذربایجان جمهوریتی نی ده قبیله تانیتماغا چالیشارلار. مزدک بامدادان گئنه ده یازیر:

"... همسالان من بخوبی بياد دارند که يکی از گفتمانهای برجسته جنبش اسلامگرائی بنيادگرا، که امروزه با شناخت بيشتر از آن بايد آنرا پان اسلاميسم-پان شيعيسم ناميد، گفتمان ستيز با اسرائيل بود، که خود آنرا "مبارزه با صهيونيسم و دفاع از مبارزه مشروع ملت مظلوم فلسطين" میناميدند."(2).

اوسته ایشاره اولوندوغو کیمی اسراعیل و اونلا دوشمنلیک ایسلام و ایسلامیت مسئله سی دئییل، بللی هدفلر اوچون مصحلتلی گؤتوروشمکلر سؤز قونوسو اولمالیدیر. عربلر و اسراعیل قارشی دورماسیندا فلسطین اهالیسی ایله باشقا عرب دؤولت و میللیتلری نین دیل و مدنیت باخیمیندان دایانیشما ایچریسینده اولدوقلاری اسراعیل و تهران حاکیمیتلری نین یاخشی موناسیبتلری مصیر حاکیمیتی نین ده فارس اوپوزیسیون تشکیلاتلارینا قوجاق آچاجاغینا ایمکان وئریردی، بو دوغرولتودا ابراهیم یزدی نین دیلیندن ائشیدک:

" در کنگره دوم کنفدراسيون که در سوئيس تشکيل شد آقای مهندس محمد توسلی به عنوان نماينده سازمان دانشجويان تهران رفت به سوئيس. اينها از بچه های انجمن اسلامی بودند اما ازسال 42 به بعد تغييراتی به وجود آمد. تيپ ماها همه ازکنفدراسيون و جبهه ملی بيرون آمديم و رفتيم به يک سفر محرمانه به مصر دنبال برنامۀ ديگري. ... .. با مصری ها مذاکره کرديم ما پذيرفتيم که بريم مصر. ... . ما در واشنگتن وقتی تظاهرات بزرگی راه انداختيم رفتيم به مسجد مسلمانها ـ مرکز اسلامی کاردار سفارت مصر که درعين حال عضو هيأت مديره مسجد مرکز اسلامی واشنگتن بود من و چمران را دعوت کرد. رفتيم مسجد و خصوصی صحبت کردو گفت شما نمی خواهيد يک سفر به مصر برويد. ما گفتيم برای گردش نه ولی برای کارهای ديگر چرا. گفت شايد بتوانيد کارهای ديگری هم بکنيد. ما را معرفی کردند به سفيرشان در سوئيس مکاتباتی کرديم و منجر شد که ما را پذيرفتند. بنابر اين طبيعی است که وقتی ما رفتيم اولا ً ما را به نام نهضت آزادی پذيرفتند و برای اينکه برويم مصر معرفينامه ها و مدارک را ارائه داديم از ارتباطمان با طالقانی و ديگران آنها هم،... برنامه از پيش تعيين شده ما بود. ما دنبال آن بوديم قبلا ً از ما هم کسان ديگری بودند که اين کار را بکنند ولی نتوانسته بودند. جلال فارسی رفته بود به او اعتنا نکرده بودند. آنها هم تصور داشتند. می فهميدند با افراد صحبت می کردند به علی شريفيان هم جوابی نداده بودند و علی شريفيان بعد با ما تماس گرفت به همراه تيم بعدا ً آنجا آمد. علی شريعتی ـ صادق قطب زاده، پرويز امين و... همه تيمی شديم رفتيم مصر. ... مصری ها هم ميدانستند که ما کارهايی کرده ايم. .... ما در سازمان چون مخفی بود هر کدام چند اسم و گذرنامه مختلف داشتيم من گذرنامه مصری داشتم. بعضی گذرنامه ها را ما خودمان درست کرده بوديم. در زمانی که در مصر بوديم کسی قصد نداشت که از آنجا فارسی مکاتبه کند. نامه هايی که برای ما از خانواده ها می آمد يک مسئول مقيم در فرانکفورت داشتيم آنها می فرستادند به من و آنها با پست ديپلماتيک به قاهره می آوردند تا آن زمانيکه ما در آنجا بوديم ساواک اطلاع نداشت ما سازمان زيرزمينی درست کرده بوديم و حتی عمليات ما اسم مستعار داشت. در هيچکدام از مکاتباتمان نمی گفتيم ايران،جبهه ملي، مصر و..... کتاب چمران من که در می آيد در پايان کتاب بيش از 120 نامه ای است که بين من و چمران است من ذکر کرده ام که تمامش اسامی مستعار است و جدولی را داده ام که اين اسامی را تعريف می کند. ... ما وقتی که مطالعه کرديم در نهايت بعد از همه اين مطالعات به اين جمع بندی رسيديم که يکی از اشکالاتی که ما در مبارزه در داخل ايران داريم اين است که مابه فن مبارزه مخفی در داخل ايران هيچ اطلاعی نداريم. می خواهيم مبارزه کنيم ولی ساواک بر ما مسلط است و يا هيچ آموزشی نديده ام که چطوری می توان با اين نيروی پليس مبارزه کرد... وقتی رفتيم مصر اولين دوره ای که ما آموزش ديديم من و چمران، جمع بندی ما اين بود که اين ارتباطات مخفی با ارزش ترين آموزش است که ديديم که تا آن موقع بلد نبوديم . (چون می خواستيم از ايران داوطلب بياوريم اول خودمان آموزش ديديم که ببينيم اين آموزش چيست). مثلا ً سال 40 جلسه ای خانه شمس الدين اميرعلايی بود، کاظمی بود، سالک بود، اينها وقتی که منزل بودند بحثی می کردند که رئيس ساواک زنگ می زند به آقای کاظمی که: آقای کاظمی اين تصميم شما نادرست است. اينها همه به هم مشکوک می شوند که چه کسی اين اطلاعات را به ساواک داده است. ما هم که خبر نداشتيم. رفتيم آموزش ديديم بعد فهميديم که با يک ميکروفن زيرميز تمام اين ها ضبط شده است. رمزنويسي، عکس برداری مخفي، ارتباطات مخفی و... همه را آموزش ديديم. تمام جزوه هايی را که به ما داده بودند سر هم کرديم. نشريه ای درست کرديم و برای مجاهدين فرستاديم. آنها اولين خانه امن را در نارمک تشکيل دادند. مطابق ضوابط موجود در دفاتر ما. بله همانطور که شما گفتيد ما در مصر دوره ديديم. دوره فعاليت های مخفي، ارتباطات مخفي، عمليات نظامي، کار با اسلحه، کار با مواد منفجره، رمز نويسی و .... پادگانی بود به نام القاص در مصر. ما آنجا رفتيم و آنها از ما پرسيدند که ما چه می خواهيم. ما هم مشکلاتمان را گفتيم و آنها اين کلاسها را گذاشتند..... ما ملاقات داشتيم، در بالاترين سطح با انها ديدار داشتيم. مذاکره کرديم و قرارداد داشتيم. توافق نامه بسته بوديم. آقای .. جوادی با ما در رابطه بود. هنوز مجاهدين خيلی کارشان را شروع نکرده بودند. .... ما با دولت مصر مذاکره کرديم. هيچ سازمان نظامی خاصی نبود. ما را به سوئيس دعوت کردند. به برن. در برن سفير انان سرهنگی بود به نام خطی اديب. او با ما صحبت کرد و ما را دعوت به قاهره کرد. به قاهره رفتيم با کمال الدين رفعت معاون رئيس جمهور جلساتی داشتيم که منجر به توافقاتی شد.... سال 49 اولين درگيری شروع شد. سال 50 به طور طبيعی ارتباطمان را با آقای خمينی بيشتر کرديم در 1970 تا 1971 چمران به خاورميانه برگشت. سال 46 برگشتم به آمريکا و چمران هم همينطور. ما از خاورميانه خارج شديم. تمام کادرهايمان را ترتيبی داديم که به ايران بروند. سه نفر را سازمان دستور داد که نمی توانند به ايران بروند. من و چمران و صادق قطب زاده به دليل اطلاعات زيادی که داشتيم. بعدها به دليل جريانات قشقايی عده ای ازقشقايی ها توسط سازمان ما آمدند مصر دوره ديدند. آنها هم کسی جز چمران را نمی شناختند. به دليل ناشی گری خسرو قشقايي، چمران را به اسم به آنها معرفی کرد. در نتيجه يکی از قشقايی ها که آمد ايران گير افتاد چمران را لو داد و گفت که او مسئول بوده. وگر نه ساواک هيچ اطلاعاتی نداشت. بنابراين از 50 که فعاليتها شروع شد ما هم به تناسب آن موارد تازه ای شروع کرديم. چمران در جنوب لبنان مستقرشده بود و در آنجا امکاناتی داشت که ما بتوانيم افراد را بفرستيم آنجا آموزش های نظامی ببينند و به ايران بفرستيم. با علنی شدن مبارزات مجاهدين و ارتباط آنها با چمران چون خود مجاهدين در بغداد واحدی داشتند حسين روحانی آنجا بودند. اينها با چمران در بيروت در تماس بودند. چمران مشکلات آنها را از طريق موسی حل فصل می کرد. من هم می رفتم نجف و با آقای خمينی ديدار داشتم. و روی برنامه ها هماهنگی ايجاد می کردم"(1).

اوسته گؤروندوگو کیمی زامان گئدیشی ایله ابراهیم یزدی نین قوروپو مصیر حاکیمیتدن آلدیغی نیظامی تعلیماتلار اساسیندا فارس ایستعمار تشکیلاتی کیمی تانینان "سازمان مجاهدین خلق ایران" آدلی فارس تشکیلاتی نین نیظامیلشمه سینه ایمکان یاراتمیش. مجاهید تشکیلاتی اؤز عضوولرینی شاهلیق سیستیمینه قارشین حاضیرلاتماق اوچون اونلارا بغداددا فعالیت شعبه سی آچمیش و اونلاردان فلسطین تشکیلاتلاری نین سیرالاریندا نیظامی تعلیم آلمالارینی ایسته میش. بو ایلیشگیلر بهمن اینقلابی نین سونراسی دا قیسسا دا اولسا سورمگه داوام ائتمیش. فارس ایستعمار تشکیلاتلارینا شاه حاکیمیتی ایله ساواشمانی حاکیم دوروم و شراییط تحمیل ائتدیگی اوچون اونلار شاه حاکیمیتینی دئویرمک اوچون الی آیاقدان تانیمامیشلار. بو دوروم 1357 اینجی ایله دک داوام ائتمیش. سونوجدا آیت الله خمینی نین اورتایا چیخماسی ایله بو ذاتلار تاپیندیقلاری یئرلری بوراخاراق آیت الله خمینی نین عباسی نین آلتینا سیغینماغا چالیشمیشلار. آیت الله خمینی نین عباسی نین آلتینا سیغینمادا بو ایستعمارچی تشکیلارین باشچیلاری دونیانین دؤرت بیر بوجاغیندان بئله آخین ائتمگه باشلامیشلار. آیت الله خمینی نظرده توتدوغو حاکیمیته جذب اولماق ایستگنلر او جومله مصطفی چمرانلار جذب اولموش، بونلارا باخمایاراق اؤزلری اوچون حاکیمیت سئوداسیندا اولانلار ایسه گئنه ده بوجاغا سیخیشدیریلمیشلار. نتیجه ده زامان گئدیشی ایله آیت الله خمینی بونلاری قوش کیمی بیر بیر قول قاناتلارینی یولاراق حاکیمیت مئیدانیندان دیشاری سالدیرماغا چالیشمیش. تهراندا حاکیم اولموش جمهوری ایسلامی آدینداکی ائلیت اونلارا موخالیف اولان مجاهید خلق فارس تشکیلاتینی فلسطین تشکیلاتلاریندان آیری توتدورماق اوچون اؤزونو داها دا فلسطینلره یاخین توتماغا چالیشماسینا باخمایاراق فلسطین نین الفتح تشکیلاتی اؤز میللی مسئله لرینی نظره آلاراق غرب دؤولتلرینه (باشدا آمریکابیرلشمیش شتاتلاری اولماقلا) یاخین اولماغا چالیشمیش. بئله لیکله فارس تهران حاکیمیتی و فلسطین مختار حاکیمیتی آرالاریندا سویوق هاوالار اسمگه و بو مسئله فلسطینده الفتح و حماس قارشی دورماسینا و قارداش قیرقینینا یول آچمیش.

شیعه لیک مسئله سینه گلدیکده گئنه ده فارس تهران حاکیمیتی بیر دین حاکیمیتی کیمی بؤلگه ده کی مسئله لره یاناشماق دئییل، فارس ایستعمارچیلیق مسئله لرینی اؤنده توتاراق فارس ایستعمارچیلیق سیستیمی نین قورونماسینا چالیشمیش. اؤرنک اولاراق 17000 ارمنی ایران ممالیکی محروسه سینده اؤز دیلینده اوخویوب یازارکن سایی میلیونلاری آشقین و شیعه آذربایجان تورکلری و عربلر اؤز دیللرینده یازیب یاراتماق حاققیندان محروم اولموشلار. بو مسئله یالنیز فارسلیق سیستیمینه رقیب گؤرونن تورک و عرب دیل و مدنیتلری دئییل، شیعه اولان لور، گیلک، کرمانشاه کوردلری و سنی اولان تورکمن، بلوچ و باشقا کوردلر ده فارسلیق سیستیمی نین میللی ظولمونه معروض قالمیشلار. گؤروندوگو کیمی ایسلام آدینا حاکیمیتده اولان ذات عالیلر ایستر "پان ایسلامیسم" ایسترسه ده "پان شیعیسم" دئیه بیر مقوله ایله تانیش دئییللر. فارس راسیستلیگی و ایستعمارچیلیغی سؤز قونوسو اولارسا، بو مسئله یه داییر یئترلی فاکتلار گؤرستمک اولار. او جومله دن عربلرین خوزیستاندان ایران ممالیکی محروسه سی نین باشقا ویلایتلرینه محمد خاتمی زامانی ابطحی باشچیلیغی ایله کؤچورولمه سینه و اورایا باشقا ائتنیکلردن کؤچورولمه سینه داییر چیزیلمیش پلانلار، اورمیه گؤلونون آدلارینی فارسلاتماغا چالیشماق، آذربایجانین شهر و کندلرینده مغازه لر اوزره یازیلمیش تورک آدلارینی فارسچایا چئوریمگه زورلاماق، تورک دیلینده اینسانلارا آد قویماغا قاداغا قویماق. ایران ممالیکی محروسه سی نین اوچده بیری نین دیلی اولان تحمیلی فارسچانی دؤولت دیلی دئییل، بیر میللی دیل کیمی ایجتماعیته تحمیل ائتمک و دونیا ایجتماعیتینه بو مسئله نی آشیلاماغا چالیشماق و ساییره... مزدک بامدادان گئنه ده یازیر:

".... رژيم ايران، که اگر شاه و رژيم او از سر "عرب ستيزی" پشتيبان اسرائيل بودند و به فلسطينيان از پشت خنجر میزدند، جمهوری اسلامی نيز (که به گفته قبيلهگرايان پان فارسيست است) از سر "ترک ستيزی" پشتيبان ارمنستان (که گويا مردمانش آريائیاند) و دشمن آذربايجان است! و بدينگونه قبيلهگرايان با يک دنباله روی کودکانه از جنبش پان شيعيستی خمينی که جمهوری کشتار و سرکوب از دل آن سر برآورد، میخواهند گام بگام به همان راهی بروند که همتايان اسلامگرايشان پيمودهاند و يکبار ديگر نشان دهند، اين سخن من، که بارها گفتهام اينان خواهان يک جمهوری اسلامی (کمی پررنگتر يا کمرنگتر) هستند، که زبان رسمیاش ترکی باشد، بيراهه نيست."(2).
اوسته گؤروندوگو کیمی مزدک بامدادان گونئی آذربایجان میللی مسئله سینی دئییل، گئنل "تورک" آدینی قابارتماقلا آذربایجان میللی مسئله سینی فارس تمامیتچیلیگی نین قالیسی نین آلتیندا گیزلتمگه چالیشار. بیلیندیگی کیمی "تورک، تورکیه" و "ارمنستان" ایفاده لری ده اؤزلوگونده و اؤز یئرلرینده ایشله دیلمه لیدیر. بوگون تورک و تورلوک آدی آلتیندا "تورک دیللری و مدنیتلری" وار. "ارمنی و ارمنیستان" ایسه "تورک و تورکلوک" ایفاده لری نین قارشیسیندا گئنیشلیک باخیمیندان دنیزده بیر قوم کیمی نظرده آلینمالیدیر. بونلارا باخمایاراق فارس تمامیتچیلیک یایین، باسین منسوبلاری و قلم صاحابلاری آذربایجان میللی مسئله سی سؤز قونوسو اولدوقدا هیستریک داورانیشلارا قاپیلاراق تورک دوشمنلیکلرینی گیزلتمز مقامدا یئر آلیرلار. آیت الله خمینی طرفیندن ایران ممالیکی محروسه سینه حاکیم اولموش نیظام و اینتیظامین "پان شیعه" دئیه بیر خسته لیگی اولمامیش. بو نیظام و اینتیظام فارس شاهلیق سیستیمی نی تحویل آلاراق فارس دیل و مدنیتی نی اساس گؤتورمکله "حزب رستاخیز و حزب ایران نوین" یئرلرینه "حزب جمهوری ایسلامی و حزب الله" قوروپلارینی داها دا اویقون حئساب ائتمیش. بئله لیکله کئچمیشده محمدرضا شاه یانچیلاری طرفیندن اؤزونو "آریامهر" تانیتمیش ایسه، آیت الله خمینی اؤزونو یانچیلاری (امت) طرفیندن "امام و امام امت" تانیتدیراراق فارس تمامیتچیلیگینی ده ایسلامیت عباسی نین آلتیندا باسیرماغا چالیشمیش. بو مسئله عباسی خلیفه لیگی زامانی دا ایسلام تاریخینده اؤز عکسینی تاپماسینا باخمایاراق فارس تمامیتچیلری بو مسئله نی گؤرمزدن حرکت ائتمگه چالیشارلار. بیلیندیگی کیمی عباسی لر ده ایسلام خلافتی یئرینه عرب خلیفه لیگینه اوستونلوک وئرمگه چالیشمیش. مزدک بامدادان گئنه ده یازیر:

"..."چيستی" يا ماهيت اين رژيم و واژهای که بتوان با آن همه کنشها و واکنشهای آنرا ريشه يابی کرد، "پان شيعيسم" و پايبندی به ولايت مطلقه فقيه است. يعنی اگر بتوان ريشه سرکوب زبانی و فرهنگی را در "پانفارسيست" بودن اين رژيم، جُست، آنگاه قبيلهگرايان بايد بگويند سرکوب سُنّيان، بهائيان، مسيحيان، يهوديان، بی دينان، همجنسگرايان، و بيش و پيش از هر چيزی سرکوب و خوارشماری همه سويه زنان را چگونه میتوان به "پانفارسيسم" پيوند داد؟"(2).

اوسته گؤروندوگو کیمی مزدک بامدادان فارس حاکیمیتی نین داورانیشلارینی ایرده لمگه (تجزیه تحلیل ائتمگه) چالیشارکن فارس ادبیاتیندا تانینمیش "لازم و ملزوم" مقوله سینی دیققتدن یاییندیرمیش مقامدا یئر آلار. بیلیندیگی کیمی کئچمیش شاهلیق سیستیمی ایله ایران ممالیکی محروسه سینده کی "روحانی" کسیمین باشچیلاری آراسیندا ایجتماعی مسئله لر اوزره سیاسی آلیش وئریشلر (بده و بستان) اولدوغو اوچون "روحانیت" کسیمی دینی و شرعی مسئله لر ایله اوغراشمانین یانی سیرا شاهلاری "ظل الله" (اللهین کؤلگه سی) دئیه ساده اینسانلارا آشیلاماغا چالیشردیلار. شاهلارین "ظل الله" اولمادیغینی خالق ایجتماعیتینه تانیتماق اوچون چوخلو اینسانلار توتساقلاردا چوروموش و چوخلاری دا ایشکنجه لر آلتیندا اؤلمه لی اولموش. بو مسئله بوگون ده "فارس تمامیتچیلیگی" نی "شیعه مذهبی" نین یانی سیرا خالق ایجتماعیتینه آشیلارکن داوام ائتمکده دیر. بئله لیکله "شیعه و زبان فارسی نشانهء ایرانیت" قلمه آلینماق اوزره دیر. بو مسئله اوزره فیضیه قم شهرینده کی دین خادیملری دئیه فارس آخینلارینی نظردن کئچیرمک داها یئرلی اولاردی.

"... زبان فارسی از سوی مذهبی ها نیز تقویت شده و به عنوان زبان شیعه تبلیغ می شود و حتی به نوعی بر تصاحب این زبان بین مدهبی ها و غیر مذهبی ها رقابت هایی ایجاد میشود، به عنوان نمونه آقای محمدرضا حکیمی در دیداری که حدود سه چهار سال پیش با چند تن از طلاب نویسنده و به صورت خصوصی در قم داشتند از تلاش کمونیستها در ادبیات فارسی سخن گفت و از اینکه بخشی از آثار آنها به رودخانه ادبیات فارسی پیوسته و چزئی از آن شده است طلاب را تشویق کرد که در این زمینه تلاش بیشتری از خود نشان بدهند. ... شکی نیست که زبان فارسی در قرن اخیر از دو ناحیه متضاد تقویت شده است. یکی از ناحیه بی دینان و دین ستیزانی چون هدایت، فروغی، خانلری و... دوم از ناحیه دین مدارانی مثل شریعتی، حکیمی، مطهری، مکارم شیرازی، سبحانی، سروش، مهاجرانی و... و شکی نیست که این دو جریان متاسفانه  در جایی باهم تلاقی پیدا کرده اند. نمونه بارز این تلاقی در کنگره شیخ ابوالفتوح رازی در شهر ری بود که آقای هاشمی رفسنجانی به صراحت گفت: "رژیم گذشته خیلی اهمیت می داد به گذشته ایران و زبان فارسی و... ماهم نباید این چیزها را منفی بدانیم." تقریبا اوج این تلاقی زمانی مشخص میشود که آقای حداد عادل به عنوان رئیس فرهنگستان زبان فارسی رئیس مجلس میشود آنهم از طرف راستی ها، و شخص فارس پرستی مثل آقای دکتر یاحقی استاد دانشگاه فردوسی مشهد میگوید: ما جرئت نمی کردیم این حرف ها را (حرفهای فارسی پرستانه) بزنیم سخنان آقای هاشمی به من جرئت داد "(3).

اوسته گؤروندوگو کیمی ایسلام حاکیمیتی دئیه اجتماعیتی آلداتماغا چالیشان فارس حاکیمیتی و فارسلیق سیستیمی محمدرضا شاه زامانیندا اولدوغو کیمی فارس شوونیستلیگینی و راسیستلیگینی آددا دین خادیمی کیمی تانینمیش شخصلر واسیطه سی ایله فارس اولمایان اینسانلارا یوکلمگه چالیشار. اوسته کی گؤروشلری نظره آلدیقدا میللیت مقوله سی و هئژمونلوق یوکلمک آچیسیندان فارس دینچیسی و دینسیزی آراسیندا هئچ بیر فرق اولمادیغی نین یانی سیرا بونلار بیر قایچی نین ایکی قیراغی کیمی دیل و ادبیات زمینه سینده فارس اولمایان دیل و مدنیت صاحابلارینی دوغراماق و یوخ ائتمک اوچون شراییط یاراتماغا چالیشارلار. فارس سولچوسو ازیلمیش میللیتلرین میللی مسئله لرینی "ارتجاعی و عامل بورژوازی" بیر مقوله قلمه آلارکن فارس دین خادیملری "ایسلامدا بوتون اینسانلار برابردیر" دئیه دین آدی آلتیندا عوامفریلیک ائتمگه و خالقلاری اؤز میللی و اینسانی حاقلاریندان واز کئچدیرمگه چالیشارلار. اوسته گؤروندوگو مسئله یالنیز حاکیمیت و فارس ایستعمارچیلیق مسئله سیدیر. بو مسئله یه آچیقلیق گتیرمک اوچون "حزب پان ایرانیست" فارس تشکیلاتی نین عراقداکی شیعه لره ایستعمارچیلیق گؤزو ایله یاناشماسی نین نظردن کئچیرمگه چالیشاق، اوخویوروق: " به نام خداوند جان و خرد - عراق سرزميني عربي نيست آن سرزمين به كردها، شيعيان و ديگر ايرانيان و اقليتي از اعراب تعلق دارد. اعلام عربي بودن سرزمين عراق سلب حق اكثريت غيرعرب آن سرزمين است. ائتلاف جديد و گستردهي شيعيان و كردها در عراق فرخنده باد"(4).

اوسته گؤروندوگو کیمی فارس ایستعمارچی قوروپلاری عیراقداکی عرب شیعه لری ده میللیت باخیمیندان عرب دئییل، اویدورولموش "ایران دیل قوروپو"نا باغلاماغا چالیشارلار. حزب پان ایرانیست گئنه ده اؤز بیانیه سینده آرتیریر:

"...حزب پانايرانيست .... شادمان است كه وابستگان فرهنگي و قومي ملت بزرگ ايران يعني كردها و شيعيان كه اكثريت قاطع سكنهي ميانرودان را تشكيل ميدهند در مسير درست، حسابشده و آرمانخواهانه به حركت خود ادامه خواهندداد، پيوند ميان كردها و شيعيان به معني درك صحيح رهبران احزاب مزبور از مصالح عاليهي مردمان خود و واقعيتهاي تاريخي و فرهنگي منطقه است. .... رفاه، امنيت و سربلندي مردم عراق جز در سايهي اتحاد و يگانگي كردها و شيعيان و بهويژه در پيوند با ملت بزرگ ايران تعمين نخواهد شد."(4).

بو اوسته کی حزب پان ایرانیست و فارس ایستعمارچی تشکیلاتی نین گؤروشلری مزدک بامدادان کیمی عوامفریبلرین یالانلارینی داها دا آچیقلیغا قاویشدیرمیش اولار دئیه دوشونمه لی ییک. بو شیادلیقلاری ایزله گن اوزدن ایراق اؤزلرینی ایرانشناس آدلاندیریان پرویز رجبی و جلیل دوستخواه آدلی باشقا ایستعمار عامیللری نین یازیلاری تعقیب ائتمیش اولار. پرویز رجبی نین اؤزیاشامی اوزره یازدیغی اؤزکئچمیشیندن بللی اولدوغو کیمی بو ذاتین آتاسی رحمتلیک اؤز خالقی نین قایقیسینا قالان ذاتلاردان بیری اولموش (6) . آتالار یاخشی دئمیشلر: "اوددان کول تؤره نر، کولدن ایسه اود". آنجاق بو ذات اقدسدن بو گئدیشله آذربایجان میللتینه کول تؤرنمه سی ده گؤزلنیلمز. پرویز رجبی ایران ممالیکی محروسه سینده میللیتلر مسئله سی اوزره "هویت به توان هویت" موضوعسوندا یازیر:

"... متاسفانه فعالان قوم گرا لبۀ تیز سلاحشان را متوجه زبان فارسی کرده اند.. ..... من هنوز حضور نداشتم که هم ترک ها و مغول ها کم و بیش سبب اعتلای زبان و ادب فارسی در دربارهای خود شدند و کسی زبان فارسی را به آن ها و سلطان محمود غزنوی ها و سلطان های ترک قاجار تحمیل نکرد. اما سلطان محمود غزنوی که شاید فارسی را به زحمت می فهمید، بدون شعر فارسی نه می توانست بنوشد و نه سر به بالین نهد. من نبودم که نام آبادی های ترکان آسیای مرکزی تا خجند و تا کمر سیبری به فارسی بود. از شبه قارۀ هند که نگو! ناصرالدین شاه، فرمانروای مغرور قاجار هم در حضور حافظ احساس غربت نمی کرد و می کوشید تا در غزل از او عقب نماند. با تبلیغ من نبود که دربارهای هند و عثمانی مشتری پر و پا قرص قند پارسی بودند و به میل خود زبان فارسی را زبان دیوانی خود کرده بودند. یعنی در این دو دربار شرق و غرب ایران، زبان فارسی همان نقشی را داشت که زبان فرانسه در دربار سزارهای روس در سن پترزبورگ متولی آن بود. من هنوز حضور نداشتم که حتی یک فرمانروای ترک و یک ایلخان مغول نخواست که در دربار او خط و زبان ترکی و یا مغولی معمول شود... من هنوز حضور نداشتم که دربار فاطمیان مصر هم بدون قند پارسی تلخکام می بود! من چه کنم که هیچ کدام از دیگر قوم های باشندۀ ایران قندی برای طوطیان شکرشکن هند نداشته اند. آن هم در روزگاری که هند در اختیارشان بود. ایلخانان مغول در هند قند پارسی را سرمۀ چشمان خود کرده بودند. در دربار اکبر شاه بیش از هزار شاعر پارسی گوی قند خود را پیش فروش می کردند! مگر سخن گفتن از قند پارسی که این همه به مذاق پیرامونیان ایران خوش آمده است، به این معنا است که می توان گران فروشی کرد؟ "(5).

اوسته کی ایفاده لرله ایجتماعیتین گؤزونو بویاماغا چالیشان پرویز رجبی گئرچکدن "ایران شناس می، یوخسا فارس و فارسچیلیق حئیرانی اولاراق آتام منه کؤر دئدی، هر کیم گلسه، وور دئدی" سیاستینه آلت اولموش مقام ساسیلارمی؟ بیلیندیگی کیمی پرویز رجبی آتا طرفیندن میانالی و آنا طرفیندن باکی لیدیر. آتاسی آذربایجاندا آذربایجان میللی حکومتی ایش اوستونه گلدیکدن سونرا ایشچیلیکدن میانایا گئری دؤنموش و میللی حاقلاری الده ائتمک اوچون آذربایجان فداییلری سیراسیندا یئر آلماغا چالیشمیش و بیر داها ائوینه گئری دؤنمه میش. آذربایجان میللی حکومتی یئنیلدیکدن سونرا فارس تمامیتچیلیک قوشونلاری آذربایجان دئموکرات فیرقه سی نین باشچیسی سید جعفر پیشه وری و مظفر فیروز آراسیندا اولان 10 مادده لی آنلاشمانی یوخ سایاراق آذربایجان اوغول و قیزلارینی قانلارینا بویار و درسلیک کیتابلارینی اودا چکرکن، بو ذاتلارین ائولرینی ده تالات ائتمیشدیر(6). بلکه ده ائله اوندان یانا فارس دیلی پرویز رجبی نین کؤنلونو اوخشاماغا (نوازش ائتمگه) باشلامیش. بو احوالاتی اینسان اوخورکن، بعضی سورقو و سوآل اورتایا چیخمیش اولور: - گؤره سن پرویز رجبی هله ده او وورولدوغو شوکدان اؤزونو قورتارابیلمه دیگی اوچون فارس تمامیتچیلرینه بئله یالتاقلیق ائدیر می، یوخسا فارس تمامیتچیلری بیشیردیکلری آش حددن آرتیق دوزلو اولدوغو اوچون آشی ایچرکن، شیرین اولسون دئیه اونا قند شکر قاتماقدان یورولماز بیر دوروما چاتمیش ساییلارمی؟ پرویز رجبی ایران ممالیکی محروسه سینده کی دیل موختلیفلیگی اوزره یازیر:

"گویش های ایرانی سایه روشن های زیبا و معطر زبان فارسی هستند و همچون پستوهای ارجمند مخزن گنجینۀ زبان فارسی. هنگامی که از قند پارسی سخن می رود، حتما پای سخن شکرپاره و حب نبات هم در میان است. فراموش نکنیم که همین طوری هم با جمع و جور کردن زبان فارسی، با همۀ سابقۀ درخشانش، مشکل داریم. هنوز در املاء بسیاری از واژه های فارسی گرفتاری داریم. هنوز باید چراغ برداریم و به جست و جوی خواننده برویم. هنوز کتابی با تیراژ هزار روی دست ناشران می ماند."(5).

اوسته گؤروندوگو کیمی پرویز رجبی بیر عئلم خادیمی کیمی دئییل، بیر فارس عوامفریبی کیمی ایران ممالیکی محروسه سینده کی دیل و مدنیت صاحابلارینی فارسلیق باتلاغیندا بوغدورماق نیتینده یئر آلمیش گؤرونر. بو ایفاده لری بیر آذربایجانلی تحصیل آلمیش ذات اقدسدن اوخورکن، اینسان ایستر ایستمز بو ذاتلارین هانکی اینسان طوروندن (نوعیندن) اولدوقلارینا حئیران قالار. دئمک، بو ذاتلارین نظرینجه ایران ممالیکی محروسه سی نین سونو فارس و فارسلیق ایله نوقطالاناجاغی کسین و یقین گؤروندوگو اوچون مدنیت قافیله سیندن دالی قالماسینلار دئیه بو فیکیرلری ایلری سورمکله دیل و مدنیت سوی قیریمینا اورتاق اولماقلارینی سرگیله میش گؤرونرلر. پرویز رجبی گئنه ده یازیر:

"... اغلب فکر می کنم، چرا در مغرب زمین خود مغربیان به فکر وحدت هستند و ما را با استفادۀ از زبان و دین تشویق به تفرقه می کنند؟

من به هرچه زیباست دلبسته ام، اما نمی فهمم که دلبستگی به شکر فارسی کام چه کسی را می تواند تلخ کند. چرا باید فکر کرد که دوست داشتن چیزی الزاما بد انگاشتن چیزی دیگر است؟"(5).

بو پاساژین اوستونده کی پاساژداکی فیکیرلر ایله تانیش اولدوقدا داها پرویز رجبی لرین عوامفریبلیکلرینه یئر قالاجاق گؤرونمه دیگینه باخمایاراق گئنه ده موللیف "کؤر توتدوغونو بوراخماز کیمی" عوامفریبلیک ائتمگه چالیشار. بیلیندیگی کیمی "بیرلیک"لر برابرلیک اساسیندا اولمالیدیر. باشقا دیل و مدنیتلری یوخ ائتمگه چالیشماق و اونلارا دیل و مدنیت تحمیل ائتمک و اونلارین آنا دیللرین نین چیچکلنمه سینه، یازیب اوخونماسینا یاساق قویدورماق و بو مسئله لره گؤز یومماق ایله بیرلیک مقوله سی اولمایاق گؤرونر(7).

قایناقلار:

1 گفتگوی عرفان قانعی فرد با با دکتر ابراهيم يزدی ، دبير کل نهضت آزادی ايران – بخش دوم
تدارک مبارزه مسلحانه عليه حکومت شاه!، 30.07.1383 :

http://www.iran-chabar.de/1383/07/30/ghaneifard830730.htm

2 مزدک بامدادان، قره باغ، فلسطین قبیله گرایان، زبان مادری و کیستی ملی:

http://www.iran-emrooz.net/index.php?/politic/more/14043/

3 سید حیدر بیات، مرجع تقلیدی  که اشعار "هوپ هوپ" نامه را حفظ است و...:

http://www.durna.se/bayat_sobhani.htm

4 بیانیه های حزبی حزب پان ایرانیست، بیانیه حزب پان ایرانیست،۱۳۸۶/۵/۲۷، فرمان آریا: http://www.farmane-ariya.blogfa.com/

5 نا تنی ها (27) هویت به توان هویت: http://parvizrajabi.blogspot.com/2007_09_01_archive.html

6 مصاحبه شاهرخ احکامی با پرویز رجبی، فصل نامه میراث ایران:

http://ketabkhaneyegooya.com/audio/Rajabi/Mirase%20Melli-47-Dr%20Rajabi.pdf

7 پرویز رجبی و جلیل دوستخواه اوزره داها آرتیق معلومات اوچون: ایشیق سؤنمز: فارس مفکوره لی ایرانشناسلار می، یوخسا تولکونون تانیق سایدیقلاری قویروقلار می؟: http://www.azadtribun.net/x1172.htm