گونئی آذربایجان
اویرنجی
حرکاتی نین
اویرنجی گونو
ایله ایلگیلی
بیلدیریسی
1374-نجی ایل
اردیبهشت آی-
نین 19- وندا
تبریز بیلی
یوردونون
بویوک قاپی سی
قارشیسیندا
ایللر بویو
سورودولموش
میللی ظولوم و
حقارته قارشی
"اولوم
اولسون
آپارتایدا"،
" اولوم
اولسون
شونیزیمه"،
"آذربایجان
وار اولسون
دوشمنلری
خوار اولسون"
دئیه باغیران
گنجلیگیمیزه
عشق اولسون.
ایللر بویو
فارس
شونیستلری حاکمیتی
قارشیسیندا
فداکارلیق و
اوز وئریله
میللی منافع
لرینی قوربان
وئره ن گنجلیگیمیز
19 اردیبهشت ده
بویوک بیر
میللی پروژه
سینه امضا
آتدی و گله
جگه گئده ن یولون
رادیکال ساغ
اسلامچی و سول
تشکیلاتلاردان
آییراراق
بویوک و
اونودولموش
بیر میلتین
قایغی کشی
اولدو. گنج
لیگیمیز
تاریخ ده ن
درس آلاراق او
قارانلیق
گونلرده آذربایجان
دئیه یولا
دوشدو. بلکه
او گونکو اویرنجی
لر هئچ اوزلری
ده بیلمه
دیلرکی باشلادیقلاری
بو پروژه ایله
ایران و
اورتادوغو
سیاستلرینه
بیر یئنی لیک
گتیره جک لر.
او گون اونلار
بیلیم
یوردلارینی
ترک ائتسه
لرده روح لاری
و نفس لری
بیزه ایلهام وئریر
و گله جه گه
گئده ن
یولوموز
استقامتینده
بیزی داها دا
آرتیق مصمم
ائدیر. بو گون
اونلارین
گونو دور، بو
یول اونلارین
یولودور. و
ائله اونا
گوره ده بیز
اونلارین قارشی
سیندا باش
ایره ک
باشلادیقلاری
"آذربایجان
میلی حرکاتی"
پروژه سی نی جانلا
باشلا گله جه
یه دوغرو
گوتورمه یه
سوز وئریریک.
آذربایجانیمیزین
سون دورومو
حاقدا و میللی
موجادله میز
سوره جینده
بعضی اونملی
نوقطالارا
توخونماق ایسته
ردیک.
1. اویرنجی حرکاتی
نین میلتیمیز
و میللی
فعاللاریمیزلا
بیر بوتون
اولاراق
دوشونمه میزه
راغما بو
حرکتین
باغیمسیز و هر
تور سیاسی
تشکیلاتین
گولگه سی
آلتیندا
دورماماسی اینانجینداییق.
بو اویرنجی
لرین باشقا
تشکیلاتلارلا
امکداشلیق
ائتمه مه ک آنلامینا
گلمز. بورادا
مقصدیمیز
اوندان
عبارتدیر کی اویرنجی
حرکاتی اوزه
للیکلرینه
گوره ذاتا اوز
یولون سئچمیش
دورومدادیر و
هئچ بیر تشکیلات
اونو اوزونه
ال آلتی کیمی
دوشونمک آرزوسو
و نیتینده
اولا بیلمز.
اویرنجی
حرکاتی سیاسی
بیر
تشکیلاتدان
یانا اولدوغو زامان
تشکیلاتلار
آراسیندا
اولان سیاسی
رقابتلر اویرنجی
لر ایچره گیره
ره ک، اونلارین
میللی
موجادله ده
ائتگن لیک
لرینی آزالدا
بیله ر. تاسف
لر اولسون کی
زامان زامان
بیز بونو
یاشادیق اما
بوندان سونرا
باغیمسیزلیغیمیزی
و
بیرلیگیمیزی
قوریاراق بوتون
میللی
تشکیلاتلاریمیزلا
قول قولا و
چین چینه
موباریزه
مئیدانلاریندا
حاضیر اولمامیزی
هر کسه
بیلدیریریک.
2. اویرنجی حرکاتی
آدینا
یازیلان
بوتون
یازیلار،
مقاله لر و
اوزه ل سایی
لار بو
حرکاتین تام بیلیم
لی و شعورلو
بیر بیچیمده
ایره لی گئتمه
سی چابا سیندا
اولماسینین
گوسترگه سیدیر.
بیزیم دوشوندوگوموزه
گوره شورلا
شعور عینی
جبهه ده میللی
موجادله
میزین گره کنلرینده
ندیر.
3. اویرنجی
حرکاتی
آذربایجان
چرچیوه سی و
اونون میللی
منافعی دوغرولتوسوندا
هر تورلو
دمکراتیک حرکاتی
او جمله ده ن
ایشچی، قادین
و اویرتمن حرکاتی
نی دستکله ییر
و اونلاری آذربایجان
میللی
چیخارلاری
اوغروندا
بیرلشمه گه و
میلی موباریزه
میزده جیددی آدیملار
گوتورمه یه
چاغیریر.
4. اویرنجی حرکاتی
میللی
موباریزه
میزین ان آز
زاماندا ثمر
وئرمه سی
یولوندا
ایرانین دیگر
غیر فارس
میلتلری
اویرنجی لری
ایله
امکداشلیق ائتمه
گه اوز
حاضیرلیغین
بیلدیریر. بو امکداشلیق
دوغرولتوسوندا
بیزه هر شئیده
ن اونملی
اولان میللی
چیخارلاریمیز
اولاجاقدیر.
5. اویرنجی حرکاتی
"حق تعیین
سرنوشت"
پرنسیبینده ن
یولا
چیخاراق،
اساس آماجی آذربایجان
میللتی
ورینده ن قرار
وئرمک یوخ
بلکه اونا قرار
وئرمک شرایطی
نی
حاضیرلایاراق،
آذربایجانین
گله جک سیاسی
دورومونو
میللت
طرفینده ن
بلیرله مک
دیر.
6. اویرنجی حرکاتی
بو گون هر
کسین ایسته
دگی کیمی "تورک
دیلی نین
رسمیتی"
اوزه رینده اوداقلانمیش
و اونو سیاسی –اجتماعی-فرهنگی
ایسته
کلرینین
اونونده توتماقدادیر.
7. آذربایجان
اویرنجی
حرکاتی و
آذربایجان
میللی فعاللاری
اوزون بیر
یولون ایلک آشامالاریندادیرلار.
بئله بیر
دورومدا یورولمادان
دونیا
شرایطینه
اویغون
اولاراق اینسان
حاقلاری
دوغرولتوسوندا
میلی، مدنی،
دمکراتیک و
سکولار
چرچیوه لر
اساسیندا موباریزه
ائتمک
فیکرینده
دیرلر.
8. اویرنجی حرکاتی
بیلیم
یوردلاریندا
میللی موجادله
سینی دوام
ائتمک
اوغروندا
فرهنگی شورالارین
ایجازه سینه
منتظر
قالمایاراق،
شرایطه اویغون
اوز میللی
حاقلاریندان
مودافعه ائده جک
دیر.
9. ایران سیاسی
سیستمی و
اونون
انتظامی
گوجلرینین هده
قورخولارینا
اونم وئرمه ده
ن یئنه ده هر
زامان کی کیمی
دیرنمه
گیمیزه دوام ائتدیره
ر ک فارس
شونیزم و
فاشیزمینیین آپارتایدی
سیاستلری
قارشیسیندا
دورماغا حاضیرلیغیمیزی
و رژیمه
خبردارلیغیمیزی
اعلان ائدیریک.
10. بولگه سل
و محلی سیاسی
لری خورداد
آیی
قیامیندان درس
آلماغا دعوت
ائده ره ک
اونلارا آذربایجان
میللی منافعی
آدینا اوز
میللتلرینین
یانیندا
دورماغی و
فارس
شونیزمینه برده
و کوله لیک
ائتمکده ن
اوزاق
دورماغاغا چاغیریریق.
اینانیریق کی
سون گونلر ده بیر
داها
آذربایجان
میللتی اوز
دیل، کیم لیک و
مقددراتینه
صاحیب
چیخاجاق و
میللی حرکتیمیز
بویوک
باشاریلار
الده ائده جک
دیر.
گله جک
بیزیمدیر
گونئی آذربایجان
اویرنجی
حرکاتی
17/2/1386