دگرلي دوستوموز

منوچهر عزيزي جنابلاري

نئچه ايلليک سورکلي چاليشمالارين دواميندا، دونيا آناديلي گونو قورولتايي موناسيبتيله، رسمي مقاملارا بيرباشا موراجيعتينيزه گؤره...و اونون يانيسيرا قورولتايين هئچ ده يونگول اولمايان ايجرا و ايداره ايشلريني يئريتمکده چابالارينيزا گؤره، سيزي ائلهجه ده بوتون تبريزدهکي چاليشقان دوستلاريميزي جانودلدن تبريک ائديرم.

بيرينجي آناديلي قورولتايي (و قارشيسي انگللهنن) 2-جي و 3-جو آناديلي قورولتايلاري قوروجو هيأتي عضولريندن بيري کيمي، سيزين بو نجيب و صداقتلي چاليشمالارينيزا ياخيندان قاتيلا بيلمهديگيم اوچون اوزگونم. بونونلا بئله امينم کي ايش سيزين کيميلرين الينده اولونجا، تماميله دينج و مدني شکيلده ايرلي گئديب، اونون ثمرهلي نتيجهلريندن هاميميز فايدالاناجاغيق.

گون او گون اولسون کي بوتون ديل حاقلاريميزا صاحيب چيخاق!

و ديل حاقّلاريميزي آلينجا، ديل آچيب، دانيشماغا دا حاقيميز اولسون!

آناديلي قورولتايينين باشاريلي کئچمهسي ديلگي ايله

عليرضا صرافي

28بهمن 1385