آذربايجان ملی دولتينين کابينه سی

آذربايجان ملی مجلسی،۲۱ آذر گونو (۱۳۲٤- جی ايل) گون اورتادان قاباقکی جلسه سينده آذربايجـان دموکـرات فـرقـه سينين رئيسی آقای پيشه وری نی، آذربايجان ملی  دولتينی تشکيل وئرمه يه نامزد و مامور ائتدی. آقای پيشه وری گون اورتادان سونراکی جلسه ده اوز کابينه سينی آشاغيدا قيد اولان ترتيب اوزره ملی مجلسه معرفی ائتدی؛

باش وزير، آقای پيشه وری

داخله وزيری، آقای سلام اله جاويد

خالق قوشونلاری وزيری، آقای کاويان

فلاحت وزيری، آقای دکتر مهتاش

معارف وزيری، آقای محمد بی ريا

صحييه وزيری، آقای دکتر اورنگی

ماليه وزيری، آقای غلامرضا الهامی

عدليه وزيری، آقای يوسف عظيمی

ايش و زحمت وزيری تعيين اولونانا کيمی او وزارتخانايا مربوط اولان ايشلره، باش وزيرليک نظارت ائده جکدير٠

کابينه معرفليک اولدوقدان سونرا اتفاق آراء ايله تصويب اولوب، سونرا مجلس طرفيندن آقای زين العابدين قيامی ديوان تميزين (ديوان عالی) رياستينه و آقای فريدون ابراهيمی آذربايجان مدعی العمومليينه (دادستان کل) انتخاب اولدولار٠