زیروه لردن باشلانان دنیز

گنج سئوگیمیز ایلک سئودامیز شعرینین گوی قورشاغینا بورونسه ده ، رئال دویغولاری

دیلیمیزین گؤزه للیگینی اسدیریب کؤنول باغچالارین گزسه ده اونلا سئویب سئوینیب

آغلاییب گولسکده آنجاق 89 اینجی ایلین مای ایندا گوروشو سیلنمز بیر ایز اولدو

اوزاق غربتده دانمارکادا بویوک نبی خزری خیالیمدا یوخ گؤزومون اونونده ایدی

اؤزو اؤز شعرلرین اوخویوردو گاهدان بیر بؤلومونه آیدینلیق گتیریردی یا کی بیر

آنیسینی سؤیلوردو

اؤز دئییشیله دئسم نئچه گون غوربتده تبریز ائوینده قوناغ اولان شاعیر گونئی سؤزیله

گونئی سوفره سیله گونئی دادیله آرازی کئچیب آرزی باغیندا آیری دؤشن ائلیله گزیردی

سونرالار گؤروشلریمیزده هر زامان گؤنئی دن دانیشاندا گؤزلری دولاردی تایسز اولان

وطندن اونون گیزلی گوجوندن تانیلمامیش اینجیلریندن یاد اللرده اسیر اولان ائلیندن دیلیندن

حسرتله سؤ ز آچاردی موغانی بیر صحرا یوخ بیر جاهان بیلردی وارلیغینی آذربایجان بیلردی

لئریکامیزین زیروه لریندن اولان نبی خزری فانی دونیاسینی دئییشسه ده تایسیز وطنینین ماهنی

قانادیندا سؤز دونیاسیندا سیلینمز یازیسیندا قالار دی

او اؤز مغرور عشقینده تمنناسیز بیر شاعیرایدی

بیر داملایا بیر عوممان وئرن بیر گوله بیر گولوستان وئرن ائلینه عمورونو ارمغان وئرن شاعیر

خزری کولک کیمی گلیب کئچمه دی

بو دونیادان قوناق کیمی کوچمه دی

یاشادی یاراتدی اؤز دونیاسیندا

سؤنمز اولدوز اولدو سؤز دونیاسیندا

قارلی زیروه لرین بولودو اولدو

اینجیلر چیله دی اوره گه دولدو

زیروه لردن باشلانان دنیز اولدو

سن اولدو من اولدو بیز اولدو

سیلنمه ین ایز اولدو

او بیر نغمه بیر بایاتی بیر غزل

خزرین بویوندا گزن گؤزل

ایپک میصرالاری کؤنول نواسی

تایسیز وطنین سئوگی صداسی

او خزرین نغمه سی ایلیق کولگی

گونشه اوز توتان ائل گؤیچگی

نار آغاجیندا نار چیچگی اسماعیل جمیلی

قیش 2007 کالیفورنیا